INDIA COVID-19 Statistics

11,124,527
Confirmed Cases
Updated on 02/03/2021 10:53 AM
168,331
Total active cases
Updated on 02/03/2021 10:53 AM
157,275
Total deaths
Updated on 02/03/2021 10:53 AM
Tuesday, March 2, 2021

INDIA COVID-19 Statistics

11,124,527
Total confirmed cases
Updated on 02/03/2021 10:53 AM
168,331
Total active cases
Updated on 02/03/2021 10:53 AM
157,275
Total deaths
Updated on 02/03/2021 10:53 AM
10,798,921
Total recovered
Updated on 02/03/2021 10:53 AM
Home Editorial ಇದ್ದು ಜೈಸಬೇಕು

ಇದ್ದು ಜೈಸಬೇಕು

ಪುರಂದರ ದಾಸರ ಒಂದು ಮಾತು ಹೀಗೆ ಇದೆ ‘ಈಸಬೇಕು, ಇದ್ದು ಜೈಸಬೇಕು’. ಇದು ನೆನಪಾಗಲು ಕಾರಣ ಒಬ್ಬ ನಟಿಯ ಆತ್ಮಹತ್ಯೆ. ಆಕೆಯ ಹೆಸರು ಜಯಶ್ರೀ ರಾಮಯ್ಯ. ಕಿರುತೆರೆ ನಟಿ ಆಗಿದ್ದ ಆಕೆ, ಹೆಚ್ಚು ಕಾಲ ರೂಪದರ್ಶಿ ಆಗಿ ಕೆಲಸ ಮಾಡಿದ್ದರು. ಬಿಗ್ ಬಾಸ್ ಸ್ಪರ್ಧೆಯಲ್ಲಿ ಪಾಲ್ಗೊಂಡ ಆಕೆ ಹೆಚ್ಚು ಜನಪ್ರಿಯತೆ ಗಳಿಸಿದ್ದರು. ಕೆಲವು ತಿಂಗಳ ಹಿಂದೆ ಆಕೆ ತಮ್ಮ ಫೇಸ್‍ಬುಕ್ ಖಾತೆಯಲ್ಲಿ ತಮಗೆ ದಯಾಮರಣ ಕೋರಿ ವಿನಂತಿಸಿದ್ದರು. ಆಗ ಕನ್ನಡದ ಕೆಲವು ನಟರು ಮತ್ತು ಆಕೆಯ ನಿಕಟ ಸಂಪರ್ಕದಲ್ಲಿ ಇದ್ದವರು ಸಮಾಧಾನ ಹೇಳಿ, ಆಕೆಯ ಮನಸ್ಸು ತಿದ್ದುವ ಕೆಲಸ ಮಾಡಿದ್ದರು. ಆಗ ಆಕೆ ಸುಧಾರಿಸಿಕೊಳ್ಳುವ ಲಕ್ಷಣ ಕಾಣುತ್ತಿತ್ತು. ಆದರೆ ಆಕೆಯಲ್ಲಿ ಕಾಣುತ್ತಿದ್ದ ಉತ್ಸಾಹವು ಕೇವಲ ತನ್ನ ಖಿನ್ನತೆ ಮುಚ್ಚಿಕೊಳ್ಳಲು ನಡೆಸಿದ ಯತ್ನ ಎಂದು ಈಗ ತಿಳಿಯುತ್ತಿದೆ ಎಂದು ಆಕೆಯ ನಿಕಟ ಸಂಪರ್ಕದಲ್ಲಿ ಇದ್ದವರು ಹೇಳುತ್ತಾರೆ. ಆಕೆ ಖಿನ್ನತೆಯಿಂದ ದೂರ ಆಗಲು ಚಿಕಿತ್ಸೆ ಕೂಡ ಪಡೆಯುತ್ತಿದ್ದರು. ಆದರೆ ಇದ್ದಕ್ಕಿದ್ದ ಹಾಗೆ ನೇಣಿಗೆ ಶರಣಾದರು.

ಇದು ಬಹಳ ದೊಡ್ಡ ಮಟ್ಟದಲ್ಲಿ ಚರ್ಚೆಯಾಗುತ್ತಿದೆ. ಕಳೆದ ವರ್ಷ ಸುಶಾಂತ ಸಿಂಗ್ ರಾಜಪೂತ ಆತ್ಮಹತ್ಯೆ ಕೂಡ ಇಂಥದ್ದೇ ಚರ್ಚೆ ಹುಟ್ಟು ಹಾಕಿತ್ತು. ಕೆಲವು ವರ್ಷಗಳ ಹಿಂದೆ ತೆಲುಗು ಚಿತ್ರರಂಗದ ಅತ್ಯಂತ ಜನಪ್ರಿಯ ನಟ ಉದಯ ಕಿರಣ ಆತ್ಮಹತ್ಯೆ ಕೂಡ ಇಂಥದ್ದೇ ಸಂಚಲನ ಸೃಷ್ಟಿಸಿತ್ತು. ಜನರಿಗೆ ಹೆಚ್ಚು ಸುಪರಿಚಿತರಾದ ಇಂಥ ವ್ಯಕ್ತಿಗಳು ಆತ್ಮಹತ್ಯೆ ಮಾಡಿಕೊಳ್ಳಲು ಖಿನ್ನತೆಯೇ ಕಾರಣ ಎಂದು ತಿಳಿದು ಬರುತ್ತದೆ. ಅತಿ ಕಡಿಮೆ ಅವಧಿಯಲ್ಲಿ ಯಶಸ್ಸು, ಕೀರ್ತಿ, ಹಣ ಪಡೆದ ಇಂಥವರು ತಮ್ಮ ಸ್ಥಾನಮಾನ ಉಳಿಸಿಕೊಳ್ಳಲು ಹೆಣಗಾಡಿ, ಅದು ಸಾಧ್ಯ ಆಗದೇ ಖಿನ್ನತೆಗೆ ಜಾರುತ್ತಾರೆ. ಉದಯ ಕಿರಣ ಇದಕ್ಕೊಂದು ಸ್ಪಷ್ಟ ಉದಾಹರಣೆ. ಆತ ಮಧ್ಯಮ ವರ್ಗದ ಕುಟುಂಬದಿಂದ ಬಂದ ತರುಣ. ಆತನ ಮೊದಲ ಮೂರು ಚಿತ್ರಗಳು ಎಂಥ ಜನಪ್ರಿಯತೆ ಗಳಿಸಿದವು ಎಂದರೆ, ತೆಲುಗಿನ ಅತಿ ಪ್ರಸಿದ್ಧ ನಟ ಚಿರಂಜೀವಿಯ ಮಗಳನ್ನೇ ಮದುವೆ ಮಾಡಿ ಕೊಡುವ ಪ್ರಸ್ತಾಪ ಬಂತು. ಆದರೆ ಮುಂದಿನ ಎಲ್ಲ ಹೆಜ್ಜೆಗಳಲ್ಲಿ ಸೋತ ಉದಯ ಕಿರಣ ಗಳಿಸಿದ ಹಣ, ಕೀರ್ತಿ ಎಲ್ಲ ಕಳೆದುಕೊಂಡು ಏನು ಮಾಡುವುದು ಎಂದು ದಿಕ್ಕು ತೋಚದೇ ಆತ್ಮಹತ್ಯೆಗೆ ಶರಣಾದ. ಇದೇ ಸ್ಥಿತಿ ಸುಶಾಂತ ಸಿಂಗ್ ರಾಜಪೂತ ಕೂಡ ಅನುಭವಿಸಿದ ಎನ್ನುತ್ತಾರೆ. ಈ ಎರಡೂ ಸಂದರ್ಭದಲ್ಲಿ ಸುತ್ತಲಿನ ವಾತಾವರಣ ಮತ್ತು ಪೂರಕವಾಗಿ ನಿಲ್ಲಬೇಕಿದ್ದ ವ್ಯಕ್ತಿಗಳೇ ಅವರ ವಿರುದ್ಧ ನಿಂತದ್ದು ಖಿನ್ನತೆ ಮತ್ತು ಆನಂತರದ ದುರಂತಮಯ ನಿರ್ಧಾರಕ್ಕೆ ಕಾರಣ ಎಂದು ಹೇಳಲಾಗುತ್ತದೆ.

ಹಿಂದೊಮ್ಮೆ ನಟಿ ದೀಪಿಕಾ ಪಡುಕೋಣೆ ಅವರು ತಾನು ಖಿನ್ನತೆಗೆ ಒಳಗಾಗಿದ್ದು ಚಿಕಿತ್ಸೆ ಪಡೆದುಕೊಂಡಿದ್ದಾಗಿ ಹೇಳಿದಾಗ ಕೆಲವರು ಹುಬ್ಬೇರಿಸಿದ್ದರು. ಹಣ, ಯಶಸ್ಸು, ಕೀರ್ತಿ ಎಲ್ಲ ಗಳಿಸಿದ ಈ ಹೆಣ್ಣು ಮಗಳನ್ನೂ ಖಿನ್ನತೆ ಕಾಡಲು ಸಾಧ್ಯವೇ ಎಂದು ಅವರ ಪ್ರಶ್ನೆಯಾಗಿತ್ತು. ಯಾರಿಗೆ, ಯಾವ ಕಾರಣಕ್ಕೆ ಮಾನಸಿಕ ತೊಂದರೆ ಕಾಡುತ್ತದೆ ಎಂದು ಹೇಳಲು ಬರುವುದಿಲ್ಲ. ಬಹಳ ಸಂದರ್ಭಗಳಲ್ಲಿ ವ್ಯಕ್ತಿಯಲ್ಲಿ ಕಂಡು ಬರುವ ಬದಲಾವಣೆಯನ್ನು ಮನೆಯವರು ಮತ್ತು ಸಮಾಜ ನಿರ್ಲಕ್ಷಿಸುತ್ತದೆ ಇಲ್ಲವೇ ಗೇಲಿ ಮಾಡುತ್ತದೆ. ನಮ್ಮ ನಡುವಿನ ವ್ಯಕ್ತಿಯೊಬ್ಬ ಇದ್ದಕ್ಕಿದ್ದ ಹಾಗೆ ಮೌನಿಯಾದರೆ, ವಿನಾ ಕಾರಣ ಸಿಟ್ಟು ಮಾಡಲು ತೊಡಗಿದರೆ, ಏಕಾಂತವೇ ಹೆಚ್ಚು ಪ್ರಿಯ ಎನಿಸಿದರೆ, ತನ್ನಷ್ಟಕ್ಕೆ ತಾನೇ ಮಾತಾಡಿಕೊಳ್ಳಲು ಆರಂಭಿಸಿದರೆ, ನಿದ್ದೆಗೇಡಾದರೆ ಯಾರೂ ಗಂಭೀರವಾಗಿ ಪರಿಗಣಿಸುವುದಿಲ್ಲ. ಬದಲಿಗೆ ಅವರಲ್ಲಾದ ಪರಿವರ್ತನೆಯನ್ನೇ ಛೇಢಿಸುವ ಪ್ರವೃತ್ತಿ ಹೆಚ್ಚು. ಮಾತಿಲ್ಲವಾದರೆ ಮೂದೇವಿ ಎನ್ನುವುದು, ಸಿಟ್ಟು ಜೋರಾದರೆ ಬಾಯಿ ಬಡುಕ ಎನ್ನುವುದು, ಏಕಾಂತ ಬಯಸಿದರೆ ಗೂಬೆ ಎನ್ನುವುದು ಎಲ್ಲ ನಡೆಯುತ್ತದೆ. ಇದರರ್ಥ ಇಷ್ಟೇ, ನಮ್ಮಲ್ಲಿ ಮಾನಸಿಕ ಸ್ಥಿತ್ಯಂತರವನ್ನು ಗಂಭೀರವಾಗಿ ಪರಿಗಣಿಸುವ ಪ್ರವೃತ್ತಿ ಇಲ್ಲ.

ಮೊದಲಿನ ಹಾಗೆ ಅವಿಭಕ್ತ ಕುಟುಂಬಗಳು ಈಗ ಇಲ್ಲ. ಮನೆಗಳಲ್ಲಿ ತಂದೆ ತಾಯಿ, ಒಂದು ಮಗು ಸಾಮಾನ್ಯ. ಆ ಮಗುವಿನ ಆಶೋತ್ತರಗಳೇನು, ಅದರ ಸಾಮಥ್ರ್ಯ ಏನು ಎಂದು ತಂದೆ ತಾಯಿ ಪರಿಗಣಿಸುವುದೂ ಇಲ್ಲ. ತಮ್ಮ ಆಶಯಗಳನ್ನು ಆತ ಅಥವಾ ಆಕೆಯ ಮೇಲೆ ಹೇರುತ್ತಾ ಹೋಗುತ್ತಾರೆ. ಇಂಥ ಸ್ಥಿತಿಯಲ್ಲಿ ಆ ವ್ಯಕ್ತಿಗೆ ಸ್ವಂತ ತಂದೆ ತಾಯಿಗಳೇ ಶತ್ರುಗಳಂತೆ ಅನಿಸುತ್ತಾರೆ. ತನ್ನ ಸಂಕಟ ಅವರಲ್ಲಿ ಹೇಳಿಕೊಳ್ಳಲು ಸಾಧ್ಯ ಇಲ್ಲ. ಇನ್ನು ಗೆಳೆಯರು ಅಥವಾ ಪರಿಚಿತರ ಮುಂದೆ ಹೇಳಿಕೊಂಡರೆ ಆಪತ್ತನ್ನು ಖುದ್ದು ಆಹ್ವಾನಿಸಿದಂತೆ.

ಪಾಶ್ಚಿಮಾತ್ಯ ದೇಶಗಳಲ್ಲಿ ದೈಹಿಕ ಆರೋಗ್ಯದ ತಪಾಸಣೆ, ಚಿಕಿತ್ಸೆಗೆ ಗಮನ ನೀಡುವಂತೆಯೇ ಮಾನಸಿಕ ಆರೋಗ್ಯದ ಬಗ್ಗೆಯೂ ಗಮನ ನೀಡಲಾಗುತ್ತದೆ. ಅಲ್ಲಿ ಯಾರಿಗೋ ಮಾನಸಿಕ ತೊಂದರೆ ಇದೆ ಎಂದರೆ ಅದು ಬೆಚ್ಚಿ ಬೀಳುವ ಅಥವಾ ನಿರ್ಲಕ್ಷಿಸುವ ಸಂಗತಿ ಅಲ್ಲ. ಅದಕ್ಕೆ ಸೂಕ್ತ ಚಿಕಿತ್ಸೆ ಪಡೆಯಲು ಸಲಹೆ, ಮಾರ್ಗದರ್ಶನ ನೀಡುವ ದವಾಖಾನೆಗಳು ಇವೆ. ತನಗೆ ಇಂಥ ತೊಂದರೆ ಇದೆ ಎಂದು ವ್ಯಕ್ತಿ ತಾನು ಕೆಲಸ ಮಾಡುವ ಸಂಸ್ಥೆಗೆ ತಿಳಿಸಲು ಅಥವಾ ಮನೆಯಲ್ಲಿ ಹೇಳಲು ಸಂಕೋಚ ಮಾಡಿಕೊಳ್ಳುವುದಿಲ್ಲ. ನಮ್ಮಲ್ಲಿನ ಸ್ಥಿತಿ ಬೇರೆಯೇ ಇದೆ. ಕೆಲವು ದೈಹಿಕ ರೋಗಗಳ ಬಗ್ಗೆ ಈಗಲೂ ತಪ್ಪು ಕಲ್ಪನೆ ಇರುವ ನಮ್ಮಲ್ಲಿ ಮಾನಸಿಕ ಅನಾರೋಗ್ಯ ಎಂದ ಕೂಡಲೇ ನಮ್ಮ ಪ್ರತಿಕ್ರಿಯೆ ತೀರಾ ವಿಕೃತವಾಗುತ್ತದೆ. ವಿಷಯ ತಿಳಿದ ಕೂಡಲೇ ತಾವೊಂದು ಮಹತ್ವದ ಸಂಗತಿ ಕಂಡು ಹಿಡಿದವರಂತೆ ತಮಗೆ ಗೊತ್ತಿರುವ ಎಲ್ಲರಿಗೂ ಉಪ್ಪು ಖಾರ ಸೇರಿಸಿ ತಿಳಿಸಲು ತೊಡಗುತ್ತಾರೆ. ಇವರೆಲ್ಲರ ದೃಷ್ಟಿಯಲ್ಲಿ ಕೀಳಾಗುವ ವ್ಯಕ್ತಿ ಸುಧಾರಿಸಿಕೊಳ್ಳುವ ಬದಲು ಕುಗ್ಗುತ್ತಾನೆ. ತನಗೆ ಯಾರೂ ಇಲ್ಲ ಅನಿಸಿದ ಘಳಿಗೆ ಆತನ ಮುಂದೆ ಉಳಿಯುವ ದಾರಿ ಒಂದೇ ಎನಿಸುತ್ತದೆ.

ತೀರಾ ಆಧುನಿಕರಾಗಿದ್ದೇವೆ ಎಂದು ಹೇಳಿಕೊಳ್ಳುವ ನಾವು ಮೂಲತಃ ಸ್ವಭಾವದಲ್ಲಿ ಬದಲಾಗಿಲ್ಲ. ಮಾನಸಿಕ ಏರುಪೇರು ಮತ್ತು ಮಾನಸಿಕ ಚಿಕಿತ್ಸೆಗೆ ಒಳಗಾಗಿದ್ದಾನೆ ಎಂದ ಕೂಡಲೆ ನಮ್ಮ ಮನಸ್ಸುಗಳಲ್ಲಿ ಬರುವ ಚಿತ್ರ ಒಂದೇ. ಎಷ್ಟೋ ವೇಳೆ ಮನೆಯವರಿಗೆ ಕೂಡ ತಮ್ಮ ಮನೆಯ ಸದಸ್ಯ ಇಂಥದೊಂದು ತೊಂದರೆಯಿಂದ ಬಳಲುತ್ತಿದ್ದಾನೆ ಎಂದು ಕೂಡ ಗೊತ್ತಿರುವುದಿಲ್ಲ. ಹಳ್ಳಿಗಾಡಲ್ಲಿಯಂತೂ ಇಂಥ ವ್ಯಕ್ತಿಗಳಿಗೆ ಯಮವೈದ್ಯ ಚಿಕಿತ್ಸೆ ಕೊಡಿಸಿ ಮತ್ತಷ್ಟು ಅನಾಹುತ ಸೃಷ್ಟಿಸುತ್ತಾರೆ. ನಾವು ಬದಲಾಗಬೇಕಿದೆ, ನಮ್ಮಲ್ಲಿ ಹೆಚ್ಚು ತಿಳಿವಳಿಕೆ ಮೂಡಬೇಕಿದೆ. ಹಾಗಾದಾಗ ಮಾತ್ರ ಅಮಾಯಕ ಜೀವಿಗಳು ಆತ್ಮಹತ್ಯೆ ಮಾಡಿಕೊಳ್ಳುವುದು ತಪ್ಪೀತು.

LEAVE A REPLY

Please enter your comment!
Please enter your name here

State

ಬೆಳಗಾವಿ ಬರಲಿವೆ 15 ಹುಲಿ, ಚಿರತೆಗಳು

ಬೆಳಗಾವಿ: 2- ಇಲ್ಲಿಗೆ ಸಮೀಪದ ಭೂತರಾಮನಹಟ್ಟಿ ಮೃಗಾಲಯಕ್ಕೆ ಕಳೆದ ವಾರವಷ್ಟೇ ಮೂರು ಸಿಂಹಗಳನ್ನು ತರಲಾಗಿದ್ದು ಹದಿನೈದು ದಿನಗಳಲ್ಲಿ 15 ಹುಲಿ, ಚಿರತೆ ಮುಂತಾದ ವನ್ಯಜೀವಿಗಳು ಬರಲಿವೆ. ಭೂತರಾಮನಹಟ್ಟಿ ವನ್ಯಧಾಮದಲ್ಲಿ ಪತ್ರಿಕಾಗೋಷ್ಠಿಯಲ್ಲಿ ಈ ವಿಷಯ ತಿಳಿಸಿದ...

ಮರಣೋತ್ತರ ಪರೀಕ್ಷೆಗೆ ಕಳುಹಿಸಿದ್ದ ವ್ಯಕ್ತಿ ಎದ್ದು ಕುಳಿತಾಗ…!

ಮಹಾಲಿಂಗಪುರ: 2- ಅಪಘಾತದಲ್ಲಿ ಗಂಭೀರವಾಗಿ ಗಾಯಗೊಂಡಿದ್ದ ವ್ಯಕ್ತಿ ಸಾವನ್ನಪ್ಪಿದ್ದಾನೆ ಎಂದು ತಿಳಿದು ಅವರನ್ನು ಸರಕಾರಿ ಆಸ್ಪತ್ರೆ ವೈದ್ಯರು ಮರಣೋತ್ತರ ಪರೀಕ್ಷೆಗಾಗಿ ಕಳುಹಿಸಿದ ಪ್ರಕರಣ ಬಾಗಲಕೋಟ ಜಿಲ್ಲೆಯ ಮಹಾಲಿಂಗಾಪುರದಲ್ಲಿ ನಡೆದಿದೆ. ಮಹಾಲಿಂಗಪುರದ ಶಂಕರ ಗೊಂಬಿ ಎಂಬಾತ...

ಕನ್ನಡ ಧ್ವಜ ತೆರವಿಗೆ ವಾರದ ಗಡುವು ನೀಡಿದ ಎಂಇಎಸ್ !

ಬೆಳಗಾವಿ: 2- ಕನ್ನಡ ಧ್ವಜ ವಿಷಯದಲ್ಲಿ ಮಹಾರಾಷ್ಟ್ರ ಏಕೀಕರಣ ಸಮಿತಿಯ ಕ್ಯಾತೆ ಮುಂದುವರೆದಿದ್ದು, ಬೆಳಗಾವಿ ಮಹಾನಗರ ಪಾಲಿಕೆ ಎದುರು ಕನ್ನಡ ಪರ ಹೋರಾಟಗಾರರು ಸ್ಥಾಪಿಸಿದ್ದ ಕನ್ನಡ ಧ್ವಜ ತೆರವು ಮಾಡುವಂತೆ ಜಿಲ್ಲಾಡಳಿತಕ್ಕೆ ಗಡುವು...

ಮಣ್ಣು ಆಗಿಯುವಾಗ ಗುಡ್ಡ ಕುಸಿದು ಇಬ್ಬರ ಸಾವು

ಯಮಕನಮರಡಿ: 1- ಅಕ್ರಮವಾಗಿ ಮಣ್ಣು ಅಗೆಯುವಾಗ ಗುಡ್ಡ ಕುಸಿದು ಇಬ್ಬರು ಕೂಲಿ ಕಾರ್ಮಿಕರು ಸಾವನ್ನಪ್ಪಿರುವ ಘಟನೆ ಹುಕ್ಕೇರಿ ತಾಲೂಕಿನ ಬಿರನೊಳ್ಳಿ ಗ್ರಾಮದಲ್ಲಿ ನಡೆದಿದೆ. ಮೃತ ಕೂಲಿಯವರನ್ನು ಯಲ್ಲಪ್ಪ (27), ಹಾಲಪ್ಪ ಗೂರವ (24) ಎಂದು...

National

ಕೊರೋನಾಗೆ ಬಿಜೆಪಿ ಸಂಸದ ಬಲಿ

ಹೊಸದೆಹಲಿ: 2- ಬಿಜೆಪಿ ಸಂಸದ ನಂದ ಕುಮಾರ ಸಿಂಗ್ ಚೌಹಾಣ ಕೋವಿಡನಿಂದ ವಿಧಿವಶರಾಗಿದ್ದಾರೆ. ದೆಹಲಿಯ ಮೇದಾಂತ ಆಸ್ಪತ್ರೆಯಲ್ಲಿ ಅವರು ಮಧ್ಯರಾತ್ರಿ ಕೊನೆಯುಸಿರೆಳೆದಿದ್ದಾರೆ. ನಂದ ಕುಮಾರ ಮಧ್ಯಪ್ರದೇಶದ ಖಂಡ್ವಾ ಲೋಕಸಭಾ ಕ್ಷೇತ್ರವನ್ನು ಪ್ರತಿನಿಧಿಸುತ್ತಿದ್ದರು. ಕೋವಿಡ್ ನಿಂದ ಬಳಲುತ್ತಿದ್ದ...

ಕೆಂಪುಕೋಟೆ ಹಿಂಸಾಚಾರಗಳ ಹಿಂದೆ ಕೇಂದ್ರದ ಕೈವಾಡ -ಕೇಜ್ರಿವಾಲ್

ಮೀರತ್: ಫೆ 28- ಕೇಂದ್ರ ಸರ್ಕಾರ ತಂದಿರುವ ಹೊಸ ಕೃಷಿ ಕಾಯ್ದೆಗಳ ವಿರುದ್ಧ ರೈತರು ಮೂರು ತಿಂಗಳುಗಳಿಂದ ನಡೆಸುತ್ತಿರುವ ಪ್ರತಿಭಟನೆಗೆ ಆಮ್ ಆದ್ಮಿ ಪಕ್ಷ ಮುಖ್ಯಸ್ಥ, ದೆಹಲಿ ಮುಖ್ಯಮಂತ್ರಿ, ಅರವಿಂದ ಕೇಜ್ರಿವಾಲ್ ಮತ್ತೊಮ್ಮೆ...

“ಮನ್ ಕಿ ಬಾತ್ ಸಾಕು, ಜಾಬ್ ಕಿ ಬಾತ್” ಮಾತಾಡಿ ಎಂದ ಯುವ ಪೀಳಿಗೆ

ಹೊಸದಿಲ್ಲಿ: 1- ಇಂದು ಪ್ರಧಾನಿ ನರೇಂದ್ರ ಮೋದಿ ಅವರ ‘ಮನ್ ಕಿ ಬಾತ್’ ಕಾರ್ಯಕ್ರಮಕ್ಕೆ ಇನ್ನಿಲ್ಲದ ನೀರಸ ಪ್ರತಿಕ್ರಿಯೆ ವ್ಯಕ್ತವಾಗಿದ್ದು, ಯುವಜನರು ಯೂಟ್ಯೂಬ್, ಟ್ವಿಟರ್ ಸೇರಿದಂತೆ ಹಲವು ಸಾಮಾಜಿಕ ಜಾಲತಾಣಗಳಲ್ಲಿ ನರೇಂದ್ರ ಮೋದಿಯವರ...

4 ರಾಜ್ಯಗಳ ಚುನಾವಣೆ ಘೋಷಣೆ

ನವದೆಹಲಿ: ಫೆ 26 - ವಿಧಾನಸಭಾ ಅವಧಿ ಪೂರ್ಣಗೊಳ್ಳಲಿರುವ ಐದು ರಾಜ್ಯಗಳು, ಕೇಂದ್ರಾಡಳಿತ ಪ್ರದೇಶಗಳ ಚುನಾವಣೆಗೆ ಕೇಂದ್ರ ಚುನಾವಣಾ ಆಯೋಗ ಶುಕ್ರವಾರ ವೇಳಾಪಟ್ಟಿ ಪ್ರಕಟಿಸಿದೆ. ಅಸ್ಸಾಂ ರಾಜ್ಯವು ಮಾ. 27, ಏ 1 ಮತ್ತು...

International

ಸ್ವಿಟ್ಜರ್‌ಲ್ಯಾಂಡ್‌ನಲ್ಲಿ ಕೊರೋನ ಲಸಿಕೆಯ ನಂತರ 16 ಜನರ ಸಾವು

ಮಾಸ್ಕೋ: ಫೆ .27 - ಸ್ವಿಟ್ಜರ್‌ಲ್ಯಾಂಡ್‌ನಲ್ಲಿ ಕರೋನ ಲಸಿಕೆ ಹಾಕಿದ ನಂತರ ಪ್ರತಿಕ್ರಿಯೆ ಉಂಟಾಗಿ ಕನಿಷ್ಠ 16 ಜನರು ಸಾವನ್ನಪ್ಪಿದ್ದಾರೆ ಎಂದು ಸ್ವಿಸ್ ಏಜೆನ್ಸಿ ಫಾರ್ ಥೆರಪೂಟಿಕ್ ಪ್ರಾಡಕ್ಟ್ಸ್ (ಸ್ವಿಸ್ಮೆಡಿಕ್) ತಿಳಿಸಿದೆ. ವಾಚ್‌ಡಾಗ್ ವರದಿಯ...

ಅಮೆರಿಕಾದ ಸಾಲವೆಷ್ಟು ?

ವಾಷಿಂಗ್ಟನ್: ಫೆ 27- ಜಗತ್ತಿನ ದೊಡ್ಡಣ್ಣ ಎಂದೇ ಹೆಸರಾಗಿರುವ ಅಮೆರಿಕಾದ ಸಾಲ ದಿನ ದಿನಕ್ಕೂ ಹೆಚ್ಚುತ್ತಿದೆ ಎಂದು ಆ ದೇಶದ ಶಾಸನ ಸಭೆಯ ಪ್ರಮುಖ ಸದಸ್ಯ ಅಲೆಕ್ಸ್ ಮೂನಿ ಅಲ್ಲಿನ ಸರ್ಕಾರವನ್ನು ಎಚ್ಚರಿಸಿದ್ದಾರೆ. ಹೆಚ್ಚಿನ...

ಧ್ವಂಸಗೊಂಡ ಹಿಂದೂ ದೇವಾಲಯ ಕೂಡಲೇ ನಿರ್ಮಾಣಕ್ಕೆ ಪಾಕ್ ಕೋರ್ಟ ಆದೇಶ

ಇಸ್ಲಾಮಾಬಾದ: 9- ದುಷ್ಕರ್ಮಿಗಳಿಂದ ಧ್ವಂಸಗೊಂಡಿರುವ ಶತಮಾನಗಳ ಇತಿಹಾಸ ಹೊಂದಿದ್ದ ಹಿಂದೂ ದೇವಾಲಯವನ್ನು ಕೂಡಲೇ ಪುನರ್ ನಿರ್ಮಾಣ ಮಾಡಬೇಕು ಎಂದು ಸರ್ಕಾರಕ್ಕೆ ಪಾಕಿಸ್ತಾನ ಸುಪ್ರೀಮ ಕೋರ್ಟ ಆದೇಶಿಸಿದೆ. ನಿರ್ಮಾಣ ಕಾರ್ಯ ಪೂರ್ಣಗೊಳಿಸುವ ಸಮಯದ ಬಗ್ಗೆ...

ಕೋವಿಡ್ ರೋಗಿಗಳಿಗೆ ಕ್ಷಯರೋಗದ ಅಪಾಯವಿದೆ : ರಶಿಯಾ

ಮಾಸ್ಕೊ, ಫೆ 08- ಕೊರೋನಾ ವೈರಸ್ ಸೋಂಕಿಗೆ ಒಳಗಾದ ರೋಗಿಗಳಿಗೆ ಕ್ಷಯರೋಗ ಬರುವ ಸಾಧ್ಯತೆ ಹೆಚ್ಚು ಎಂದು ರಷ್ಯಾದ ಆರೋಗ್ಯ ಸಚಿವಾಲಯ ಎಚ್ಚರಿಸಿದೆ. "ಕೋವಿಡ್ -19 ನಿಂದ ಬಳಲಿದ ನಂತರ ಅನೇಕ ರೋಗಿಗಳು ಶ್ವಾಸಕೋಶದಲ್ಲಿ...

Entertainment

ಇಂದು ಧಾರವಾಡದಲ್ಲಿ ಬೆಳವಡಿ ಮಲ್ಲಮ್ಮ ನಾಟಕ

ಧಾರವಾಡ: 14- ಹುಬ್ಬಳ್ಳಿಯ ಜೀವಿ ಕಲಾ ಬಳಗದ ಅಧ್ಯಕ್ಷರಾದ ಗದಿಗೆಯ್ಯಾ ಹಿರೇಮಠ ಅವರು ರಚಿಸಿ ನಿರ್ದೇಶಿಸಿದ ಐತಿಹಾಸಿಕ " ಸಮರ ಸಿಂಹಿಣಿ ಬೆಳವಡಿ ಮಲ್ಲಮ್ಮ" ನಾಟಕವು ರವಿವಾರ ದಿ ೧೪- ೨ -೨೦೨೧ ರಂದು ಪ್ರದರ್ಶನಗೊಳ್ಳಲಿದೆ. ಬೆಳವಡಿಯ ನೇತಾಜಿ ತರುಣ...

ಮಾರುಕಟ್ಟೆ ಗಿಜಿಗುಡುವಾಗ ಚಿತ್ರಮಂದಿರವೇಕೆ ಖಾಲಿ?

ಬೆಂಗಳೂರು, ಫೆ 03- “ಬಸ್ ಫುಲ್, ಮಾರ್ಕೆಟ್ ಗಿಜಿ ಗಿಜಿ ಆದರೆ ಚಿತ್ರ ಮಂದಿರಗಳೇಕೆ ಭಣಗುಡಬೇಕು” ಎಂದು ನಟ ಧ್ರುವ ಸರ್ಜಾ ಮಾಡಿರುವ ಟ್ವೀಟ್ ಗೆ ಕನ್ನಡ ಚಿತ್ರರಂಗದ ಬಹುತೇಕ ನಟ, ನಿರ್ದೇಶಕರು...

ಜ. 24ರಂದು ವರುಣ ಧವನ್-ನತಾಶಾ ಮದುವೆ

ಮುಂಬೈ, ಜ 15 - ಖ್ಯಾತ ನಿರ್ಮಾಪಕ, ನಿರ್ದೇಶಕ ಡೇವಿಡ್ ಧವನ ಪುತ್ರ ನಟ ವರುಣ ಧವನ್ ಅವರು ಬಹುಕಾಲದ ಗೆಳತಿ ನತಾಶಾ ದಲಾಲ್ ಜೊತೆ ದಾಂಪತ್ಯ ಜೀವನಕ್ಕೆ ಕಾಲಿಡಲು ಸಜ್ಜಾಗಿದ್ದು, ಇದೇ...

‘ಲಂಕಾಸುರ’ ಚಿತ್ರಕ್ಕೆ ಚಾಲನೆ

ಬೆಂಗಳೂರು, ಜ 15 - ಸುಗ್ಗಿ ಹಬ್ಬ ಸಂಕ್ರಾಂತಿಯ ಸಂಭ್ರಮದಂದು ವಿನೋದ ಪ್ರಭಾಕರ ಹಾಗೂ ಲೂಸ್ ಮಾದ ಅಭಿನಯದ ‘ಲಂಕಾಸುರ’ ಚಿತ್ರಕ್ಕೆ ಚಾಲನೆ ನೀಡಲಾಗಿದೆ. ಎ.ಎಂ.ಎಸ್ ಪ್ರೊಡಕ್ಷನ್ಸ್ ಲಾಂಛನದಲ್ಲಿ ಹೇಮಾವತಿ ಮುನಿಸ್ವಾಮಿ ಅವರು ನಿರ್ಮಿಸುತ್ತಿರುವ...

Sports

ಭಾರತಕ್ಕೆ 317 ರನ್ ಜಯ

ಚೆನ್ನೈ, ಫೆ 16- ಭಾರತದ ಬಲಿಷ್ಠ ಸ್ಪಿನ್ ಕೋಟೆಯನ್ನು ಭೇದಿಸುವಲ್ಲಿ ಪ್ರವಾಸಿ ಇಂಗ್ಲೆಂಡ್ ತಂಡ ವಿಫಲವಾಗಿದ್ದು, ನಾಲ್ಕು ಟೆಸ್ಟ್ ಪಂದ್ಯಗಳ ಸರಣಿಯಲ್ಲಿ ವಿರಾಟ್ ಪಡೆ 1-1 ರಿಂದ ಸಮಬಲ ಸಾಧಿಸಿದೆ. ನಿರೀಕ್ಷೆಯಂತೆ ಮಂಗಳವಾರ ಭಾರತ...

ಗೆಲುವಿನ ಹೊಸ್ತಿಲಲ್ಲಿ ಭಾರತ

ಚೆನ್ನೈ: ಫೆ 15 - ಆಲ್ ರೌಂಡರ್ ರವಿಚಂದ್ರನ್ ಅಶ್ವಿನ್ ಅವರ ಶತಕ ಹಾಗೂ ನಾಯಕ ವಿರಾಟ ಕೊಹ್ಲಿ ಅವರ ಅರ್ಧ ಶತಕದ ನೆರವಿನಿಂದ ಭಾರತ ನೀಡಿದ 482 ರನ್ ಗೆಲುವಿನ ಗುರಿ...

ಚೆನ್ನೈ ತಲುಪಿದ ಇಂಗ್ಲೆಂಡ್ ಕ್ರಿಕೆಟ್ ತಂಡ

ನವದೆಹಲಿ, ಜ.24 - ಫೆಬ್ರವರಿ 5 ರಿಂದ ಭಾರತ ವಿರುದ್ಧದ ಟೆಸ್ಟ್ ಸರಣಿಗಾಗಿ ವೇಗದ ಬೌಲರ್ ಜೋಫ್ರಾ ಆರ್ಚರ್, ಆಲ್‌ರೌಂಡರ್ ಬೆನ್ ಸ್ಟೋಕ್ಸ್, ಬ್ಯಾಟ್ಸ್‌ಮನ್ ರೋರಿ ಬರ್ನ್ಸ್ ಮತ್ತು ಜೊನಾಥನ್ ಟ್ರಾಟ್ ಸೇರಿದಂತೆ...

ರಹಾನೆ ಮತ್ತು ಇತರ ಆಟಗಾರರಿಗೆ ಕ್ವಾರಂಟೈನ್ ವಿನಾಯಿತಿ

ನವದೆಹಲಿ, ಜ.21- ಆಸ್ಟ್ರೇಲಿಯಾ ವಿರುದ್ಧದ ಬಾರ್ಡರ್-ಗಾವಸ್ಕರ್ ಟ್ರೋಫಿಯನ್ನು ಗೆದ್ದು ಗುರುವಾರ ಬೆಳಿಗ್ಗೆ ಮುಂಬೈಗೆ ಮರಳಿದ ನಾಯಕ ಅಜಿಂಕ್ಯ ರಹಾನೆ ಮತ್ತು ಇತರ ನಾಲ್ಕು ಭಾರತೀಯ ಆಟಗಾರರಿಗೆ ಮಹಾರಾಷ್ಟ್ರ ಸರ್ಕಾರ ಕ್ವಾರಂಟೈನ್ ನಿಂದ ವಿನಾಯಿತಿ...