Live Stream

December 2022
W T F S S M T
 123456
78910111213
14151617181920
21222324252627
28293031  

| Latest Version 8.2.9 |

National News

13 ಪೋಲ್ ಟ್ರಸ್ಟ್‌ಗಳಿಂದ ಹಣ ಹಂಚಿಕೆ; ಬಿಜೆಪಿಗೇನೇ ಸಿಂಹಪಾಲು


ಹೊಸದಿಲ್ಲಿ, ೧೯- ಐದು ಎಲೆಕ್ಟರೋಲ್ ಟ್ರಸ್ಟ್‌ಗಳು ಒಟ್ಟಾಗಿ 2021-22ರಲ್ಲಿ ಬಿಜೆಪಿಗೆ ತಮ್ಮ 481 ಕೋಟಿ ರೂ.ಗಳ ಒಟ್ಟು ಕೊಡುಗೆಗಳಲ್ಲಿ ಶೇ.72 ವಿತರಿಸಿದರೆ, ಕಾಂಗ್ರೆಸ್ ಈ ಹಂಚಿಕೆಯಲ್ಲಿ ಕೇವಲ ಶೇ.3.8 ಪಾಲನ್ನು ನೀಡಿದೆ.

ಚುನಾವಣಾ ಆಯೋಗಕ್ಕೆ ತಮ್ಮ ಇತ್ತೀಚಿನ ವರದಿಗಳಲ್ಲಿ ಐದು ಟ್ರಸ್ಟ ಘೋಷಿಸಿದ ರೂ. 481 ಕೋಟಿ ಕೊಡುಗೆಗಳಲ್ಲಿ, ಪ್ರುಡೆಂಟ್ ಎಲೆಕ್ಟೋರಲ್ ಟ್ರಸ್ಟ್ ಎಂಟು ಪಕ್ಷಗಳಿಗೆ ರೂ. 464.8 ಕೋಟಿ ವಿತರಿಸಿದೆ. ಇದರಲ್ಲಿ ಬಿಜೆಪಿಗೆ ರೂ. 336.5 ಕೋಟಿ ಮತ್ತು ಕಾಂಗ್ರೆಸ್‌ಗೆ ರೂ. 18.4 ಕೋಟಿ ಲಭಿಸಿದೆ.

2020-21 ರಲ್ಲಿ ಏಳು ಎಲೆಕ್ಟೋರಲ್ ಟ್ರಸ್ಟ್‌ಗಳು ಒಟ್ಟಾಗಿ 258.4 ಕೋಟಿ ರೂಪಾಯಿ ಮೌಲ್ಯದ ದೇಣಿಗೆಗಳನ್ನು ವಿತರಿಸಿವೆ, ಅದರಲ್ಲಿ ಬಿಜೆಪಿ 212.5 ಕೋಟಿ (ಶೇ.82) ಮತ್ತು ಕಾಂಗ್ರೆಸ್ 5.4 ಕೋಟಿ (ಶೇ.2.1) ಪಡೆದಿವೆ. 2021-22ಕ್ಕೆ ತಮ್ಮ ವರದಿಗಳನ್ನು ಸಲ್ಲಿಸಿರುವ 13 ಚುನಾವಣಾ ಟ್ರಸ್ಟ್‌ಗಳಲ್ಲಿ ಎಂಟು ‘ಶೂನ್ಯ’ ಕೊಡುಗೆ ತೋರಿಸಿವೆ.

2021-22ರಲ್ಲಿ ಪ್ರುಡೆಂಟ್ ಮತ್ತು ಎ ಬಿ ಜನರಲ್ ಎಲೆಕ್ಟೋರಲ್ ಟ್ರಸ್ಟ್‌ನಿಂದ ಬಿಜೆಪಿ 346.5 ಕೋಟಿ ರೂಪಾಯಿಗಳನ್ನು ಪಡೆದುಕೊಂಡಿದೆ. ಕಾಂಗ್ರೆಸ್‌ಗೆ ವ್ಯತಿರಿಕ್ತವಾಗಿ ಪ್ರಾದೇಶಿಕ ಪಕ್ಷಗಳು ಹೆಚ್ಚು ಕೊಡುಗೆ ಪಡೆದಿವೆ.

ದೆಹಲಿ ಮತ್ತು ಪಂಜಾಬ್‌ನಲ್ಲಿ ಕಚೇರಿಯಿರುವ ಎಎಪಿಯು ಪ್ರುಡೆಂಟ್ ಎಲೆಕ್ಟೋರಲ್ ಟ್ರಸ್ಟ್‌ನಿಂದ ರೂ. 16.3 ಕೋಟಿ ಮತ್ತು ಇಂಡಿಪೆಂಡೆಂಟ್ ಎಲೆಕ್ಟೋರಲ್ ಟ್ರಸ್ಟ್‌ನಿಂದ ರೂ. 4.8 ಕೋಟಿ ಸೇರಿದಂತೆ ರೂ. 21.1 ಕೋಟಿಗಳನ್ನು ಸ್ವೀಕರಿಸಿದೆ. ದೆಹಲಿ ಮೂಲದ ಇಂಡಿಪೆಂಡೆಂಟ್ ಎಲೆಕ್ಟೋರಲ್ ಟ್ರಸ್ಟ್ ತನ್ನ ಎಲ್ಲಾ ದೇಣಿಗೆಗಳನ್ನು 4.8 ಕೋಟಿ ರೂಪಾಯಿಗಳನ್ನು ಎಎಪಿಗೆ ನೀಡಿದೆ, ಇದು ಪ್ರುಡೆಂಟ್ ಎಲೆಕ್ಟೋರಲ್ ಟ್ರಸ್ಟ್‌ನಿಂದ 16.3 ಕೋಟಿ ರೂಪಾಯಿಗಳನ್ನು ಪಡೆದುಕೊಂಡಿದೆ.

2020-21ರಲ್ಲಿ ಬಿಜೆಪಿ ಪ್ರುಡೆಂಟ್‌ನಿಂದ 209 ಕೋಟಿ, ಜಯಭಾರತ್ ಎಲೆಕ್ಟೋರಲ್ ಟ್ರಸ್ಟ್‌ನಿಂದ 2 ಕೋಟಿ, ಸಮಾಜ್ ಎಲೆಕ್ಟೋರಲ್ ಟ್ರಸ್ಟ್‌ನಿಂದ 1 ಕೋಟಿ ಮತ್ತು ಐಂಜಿಗಾರ್ಟಿಗ್ ಎಲೆಕ್ಟೋರಲ್ ಟ್ರಸ್ಟ್‌ನಿಂದ 5 ಲಕ್ಷ ರೂಪಾಯಿ ಪಡೆದಿತ್ತು. ಮತ್ತೊಂದೆಡೆ ಕಾಂಗ್ರೆಸ್ 5.4 ಕೋಟಿ ಪಡೆದಿತ್ತು.


Leave a Reply