ಹೊಸದಿಲ್ಲಿ, ೧೩- ಟಿಕೆಟ್ ಖರೀದಿಸಲು ಪ್ರಯಾಣಿಕರು ಸರತಿ ಸಾಲಿನಲ್ಲಿ ನಿಲ್ಲುವುದನ್ನು ತಪ್ಪಿಸುವ ಸಲುವಾಗಿ ಹೊಸ ಅಪ್ಲಿಕೇಶನ್ ಪರಿಚಯಿಸಲಾಗಿದೆ.
ನೈರುತ್ಯ ರೈಲ್ವೆ ಬೆಂಗಳೂರು ವಿಭಾಗವು ಯುಟಿಎಸ್ ಎಂಬ ಟಿಕೆಟ್ ಖರೀದಿ ಮೊಬೈಲ್ ಅಪ್ಲಿಕೇಶನ್ ಪರಿಚಯಿಸಿದ್ದು, ಆಂಡ್ರಾಯ್ಡ ಬಳಕೆದಾರರು ಪ್ಲೇ ಸ್ಟೋರ್, ಐಫೋನ್ ಬಳಕೆದಾರರು ಆಪಲ್ ಸ್ಟೋರ್ ನಲ್ಲಿ ಹಾಗೂ ವಿಂಡೋಸ್ ಬಳಕೆದಾರರು ವಿಂಡೋಸ್ ಸ್ಟೋರ್ ನಿಂದ ಇದನ್ನು ಡೌನ್ಲೋಡ ಮಾಡಿಕೊಳ್ಳಬಹುದಾಗಿದೆ.
ಈ ಅಪ್ಲಿಕೇಶನ್ ಮೂಲಕ ಪ್ರಯಾಣಿಕರು ಪ್ರಯಾಣದ ಟಿಕೆಟ್, ಸೀಸನ್ ಟಿಕೆಟ್, ಫ್ಲಾಟ್ ಫಾರಂ ಟಿಕೆಟ್ ಗಳನ್ನು ಖರೀದಿಸಬಹುದಾಗಿದ್ದು, ಜೊತೆಗೆ ಮುಂಗಡ ಟಿಕೆಟ್ ಗಳನ್ನು ಸಹ ಕಾಯ್ದಿರಿಸಿಕೊಳ್ಳಬಹುದಾಗಿದೆ. ಈ ಅಪ್ಲಿಕೇಶನ್ ಮೂಲಕ ರೈಲು ನಿಲ್ದಾಣದ ಆವರಣ ಪ್ರವೇಶಿಸುವ ಮೊದಲು ಟಿಕೆಟ್ ಖರೀದಿಸಿ ಬಳಿಕ ನೇರವಾಗಿ ರೈಲು ಹತ್ತಬಹುದಾಗಿದೆ.
