ಬೆಳಗಾವಿ ರಾಮತೀರ್ಥ ನಗರದಲ್ಲಿ ಬೆಂಕಿ ಅವಘಡ; ಲಕ್ಷಾಂತರ ರೂ. ನಷ್ಟ

ಬೆಳಗಾವಿ, ೧೪- ಬೆಳಗಾವಿಯ ರಾಮತೀರ್ಥ ನಗರ ಕ್ರಿಕೆಟ್‌ ಸ್ಟೇಡಿಯಮ್‌ ಬಳಿ ಮಂಗಳವಾರ ತಡರಾತ್ರಿ ಸಂಭವಿಸಿದ ಬೆಂಕಿ ಅವಘಡದಲ್ಲಿ ಹೊಸದಾಗಿ ನಿರ್ಮಿಸಲಾದ ಟಾಯರ್‌ ಅಂಗಡಿಯೊಂದು ಸಂಪೂರ್ಣ ಸುಟ್ಟು ಕರಕಲಾಗಿದ್ದು ಲಕ್ಷಾಂತರ ರೂಪಾಯಿ ಬೆಲೆಯ ಟಾಯರ್‌ ಗಳು ಹಾಗು ಮಶೀನರಿಗಳು ಬೆಂಕಿಗೆ ಆಹುತಿಯಾದ ಘಟನೆ ಜರುಗಿದೆ.

[video width="848" height="480" mp4="https://samadarshi.net/otassoos/2023/03/VIDEO-2023-03-14-22-51-39-3.mp4"][/video]

ಬೆಂಕಿ ಹತ್ತಿದ ನಂತರ ಅಗ್ನಿಶಾಮಕದ ವಾಹನವೊಂದು ಆಗಮಿಸಿತಾದರೂ ಅರ್ಧದಲ್ಲೇ ನೀರು ಮುಗಿಯಿತು. ಆಗ ಪಕ್ಕದ ಕಟ್ಟಡಗಳ ಬೋರ್‌ ನಿಂದ ಅಗ್ನಿ ಆರಿಸಲು ಪ್ರಯತ್ನ ನಡೆಸಲಾಯಿತು. ನಂತರ ಇನ್ನೊಂದು ಅಗ್ನಿಶಾಮಕ ವಾಹನ ಬಂದು ಬೆಂಕಿಯನ್ನು ಸಂಪೂರ್ಣ ನಂದಿಸಿತು.