ರಮೇಶ ಕತ್ತಿ ಆರೋಗ್ಯದಲ್ಲಿ ಏರುಪೇರು

ಬೆಳಗಾವಿ : ಅಣ್ಣ ಉಮೇಶ ಕತ್ತಿಯ ಆಕಸ್ಮಿಕ ಅಗಲಿಕೆಯ ಅಘಾತದಿಂದ ಆಘಾತಕ್ಕೆ ಒಳಗಾಗಿರುವ ಮಾಜಿ ಸಂಸದ ರಮೇಶ ಕತ್ತಿ ಅವರ ಆರೋಗ್ಯದಲ್ಲಿ ಏರುಪೇರು ಉಂಟಾಗಿದೆ. ಅವರ ಆರೋಗ್ಯ ತಪಾಸಣೆ ಮಾಡಲಾಗಿದ್ದು, ವಿಶ್ರಾಂತಿಗೆ ಸೂಚಿಸಲಾಗಿದೆ.



ಮಂಗಳವಾರ ರಾತ್ರಿ ಅಣ್ಣ ಉಮೇಶ ಅವರ ಸುದ್ದಿ ವಾರ್ತೆ ಕೇಳಿದಾಗಿನಿಂದ ಗುರುವಾರದವರೆಗೆ ರಮೇಶ ಕತ್ತಿಯವರು ವಿಶ್ರಾಂತಿ ಮತ್ತು ಸರಿಯಾಗಿ ನಿದ್ರೆ ಮಾಡಿರಲಿಲ್ಲ. ಅವರು ಹೃದಯಕ್ಕೆ ಸಂಬಂಧಿಸಿದ ಸಮಸ್ಯೆ ಹೊಂದಿದ್ದಾರೆ. ವಿಶ್ರಾಂತಿ ರಹಿತದಿಂದ ಒತ್ತಡ ಹೆಚ್ಚಾಗಿ ಗುರುವಾರ ಮುಂಜಾನೆ ತಮ್ಮ ಹುಕ್ಕೇರಿ ತಾಲೂಕಿನ ಬೆಲ್ಲದ ಬಾಗೇವಾಡಿ ಮನೆಯಲ್ಲಿ ನಿತ್ರಾಣರಾಗಿದ್ದರು. ಅವರ ಕುಟುಂಬದ ವೈದ್ಯರು ತಕ್ಷಣ ಅವರನ್ನು ತಪಾಸಣೆ ನಡೆಸಿದ ಕಡ್ಡಾಯ ವಿಶ್ರಾಂತಿಗೆ ಸಲಹೆ ನೀಡಿದರು.



ರಮೇಶ ಅವರ ರಕ್ತದೊತ್ತಡ ಹೆಚ್ಚಾಗಿದ್ದರೂ ಅವರ ಹೃದಯದ ಸ್ಥಿತಿ ತೋರಿಸುವ ಇಸಿಜಿ ರಿಪೋರ್ಟ ನಾರ್ಮಲ್ ತೋರಿಸಿದೆ. ರಮೇಶ ಅವರು ಈಗ ಬಾಗೇವಾಡಿಯ ಮನೆಯಲ್ಲಿ ವಿಶ್ರಾಂತಿ ಪಡೆಯುತ್ತಿದ್ದಾರೆ, ಆದರೂ ಅಣ್ಣನ ಸಾವಿನ ಕುರಿತು ಸಂತೈಸಲು ಬರುವವರೊಂದಿಗೆ ಮಾತನಾಡುತ್ತಿದ್ದಾರೆ.