ಬೆಳಗಾವಿ : ಇಲ್ಲಿನ ಶಹಾಪುರದಲ್ಲಿರುವ ನಗರ ಕೇಂದ್ರ ಗ್ರಂಥಾಲಯದ ರವೀಂದ್ರ ಕೌಶಿಕ್ ಈ ಗ್ರಂಥಾಲಯಕ್ಕೆ ಸಾಂಬ್ರಾದ ಭಾರತೀಯ ವಾಯುದಳದ ಏರ್ ಮನ್ ಟ್ರೇನಿಂಗ್ ಸ್ಕೂಲಿನ ಅಧಿಕಾರಿಗಳಾದ ಎಸ್ ಅಭಿಷೇಕ್ ಬಚ್ಚನ್, ಟಿ. ಎಸ್.ಸಾಧು ಹಾಗೂ ಅಮಿತಕುಮಾರ್ ಸೇರಿದಂತೆ 40 ಪ್ರಶಿಕ್ಷಣಾರ್ಥಿಗಳನ್ನೊಳಗೊಂಡ್ ತಂಡ ಗ್ರಂಥಾಲಯಕ್ಕೆ ಶೈಕ್ಷಣಿಕ ಭೇಟಿ ನೀಡಿ ಮಾಹಿತಿ ಪಡೆದರು.
ಅವರ ತರಬೇತಿಯ ಭಾಗವಾಗಿ ಗ್ರಂಥಾಲಯಗಳ ನಿರ್ವಹಣೆ,ಗ್ರಂಥಾಲಯದಲ್ಲಿ ನೀಡುತ್ತಿರುವ ಸೇವೆಗಳು, ಡಿಜಿಟಲ್ ಗ್ರಂಥಾಲಯ ಹಾಗೂ ಚಿಕ್ಕ ಮಕ್ಕಳ ಗ್ರಂಥಾಲಯದ ಬಗ್ಗೆ ತಿಳಿದುಕೊಂಡರು. ಗ್ರಂಥಾಲಯ ನಿರ್ವಹಣೆ ಹಾಗೂ ನೀಡುತ್ತಿರುವ ಸೇವೆಗಳ ಬಗ್ಗೆ ಹರ್ಷ ವ್ಯಕ್ತಪಡಿಸಿದರು. ಈ ಸಂದರ್ಭದಲ್ಲಿ ಗ್ರಂಥಪಾಲಕ ನಾಗನಗೌಡ ಪಾಟೀಲ, ಅವರು ಗ್ರಂಥಾಲಯ ನಿರ್ವಹಣೆ, ಸೇವೆಗಳು ಹಾಗೂ ಗ್ರಂಥಾಲಯದ ವಿವಿಧ ವಿಭಾಗಗಳ ಬಗ್ಗೆ ಮಾಹಿತಿ ನೀಡಿದರು.
ಮನಿಷಾ ಕಾಂಬಳೆ ಅವರು ಡಿಜಿಟಲ್ ಗ್ರಂಥಾಲಯದ ಬಗ್ಗೆ ವಿವರಣೆ ನೀಡಿದರು. ಅಶ್ವಿನಿ ಹಾಗೂ ಸ್ಮಿತಾ ದೇಸಾಯಿ ಹಾಗೂ ಮಂಜುನಾಥ ಉಪಸ್ಥಿತರಿದ್ದರು.
