ದಾಂಡಿಯಾ ನೃತ್ಯಕ್ಕೆ ಹೆಜ್ಜೆ ಹಾಕಿದ ಜೊಲ್ಲೆ ದಂಪತಿ 

ಬೆಳಗಾವಿ : ನಿಪ್ಪಾಣಿಯಲ್ಲಿ ಜೊಲ್ಲೆ ಉದ್ಯೋಗ ಸಮೂಹದಿಂದ ಆಯೋಜನೆ ಮಾಡಿದ್ದ ದಾಂಡಿಯಾ ಜೊಲ್ಲೆ ದಂಪತಿ ದಾಂಡಿಯಾ ನೃತ್ಯಕ್ಕೆ ಹೆಜ್ಜೆ ಹಾಕಿದ್ದಾರೆ.

ಜಿಲ್ಲೆಯ ನಿಪ್ಪಾಣಿಯ ಶಿವಶಂಕರ್ ಪಬ್ಲಿಕ್ ಸ್ಕೂಲ್ ಆವರಣದಲ್ಲಿ ಆಯೋಜನೆ ಮಾಡಿದ್ದ ದಾಂಡಿಯಾ ಉತ್ಸವದಲ್ಲಿ ನೂರಾರು ಮಹಿಳೆಯರು ಭಾಗಿಯಾಗಿ ದಾಂಡಿಯಾ ಹಾಗೂ ಗರ್ಬಾ ಪಾರಂಪರಿಕ ನೃತ್ಯದಲ್ಲಿ ಹೆಜ್ಜೆ ಹಾಕಿದರು.

ಇವರಿಗೆಲ್ಲ ಸಚಿವ ಶಶಿಕಲಾ ಜೊಲ್ಲೆ ಹಾಗೂ ಸಂಸದ ಅಣ್ಣಾಸಾಬ್ ಜೊಲ್ಲೆ ಸಾಥ್ ನೀಡಿದರು. ಆರೆಂಜ್ ಹಾಗೂ ಗ್ರೀನ್ ಕಾಂಬಿನೇಷನ್ನ ಉಡುಗೆ ತೊಟ್ಟ ಜೊಲ್ಲೆ ಅವರು ತಮ್ಮ ಕುಟುಂಬಸ್ಥರ ಜತೆಗೆ ಹೆಜ್ಜೆ ಹಾಕಿದರು.

https://twitter.com/ShashikalaJolle/status/1576608831744114688?t=0wblzhDujSz25Ztnfh9naQ&s=19

ಬಳಿಕ ಮಾತನಾಡಿದ ಅವರು, ದಾಂಡಿಯಾ ಹಾಗೂ ಗರ್ಬಾ ಡಾನ್ಸ್ ಎನ್ನುವ ಬದಲು ನಮ್ಮದೇ ದೇಶಿ ಶೈಲಿಯ ಜನಪದ ಕಲೆ ಎನ್ನಬಹುದು. ಮೂರು ವರ್ಷಗಳ ಕೋವಿಡ್ ಬಳಿಕ ಹಬ್ಬ ಹರಿದಿನಗಳ ಕಳೆಗಟ್ಟಿವೆ. ಕೋವಿಡನಿಂದ ಮಂಕು ಬಡಿದುಕೊಂಡಿದ್ದ ಹಬ್ಬಗಳನ್ನು ಈಗ ಜನ ಉಲ್ಲಾಸದಿಂದ ಆಚರಿಸುತ್ತಿದ್ದಾರೆ ಎಂದರು.