ಬೆಳಗಾವಿ, ನ. 18: ನಗರದಲ್ಲಿ ನಡೆಯುತ್ತಿರುವ ಸಿಬಿಎಸ್ಇ ರಾಷ್ಟ್ರೀಯ ಸ್ಕೇಟಿಂಗ್ ಚಾಂಪಿಯನ್ಶಿಪ್–2026ರ ಮೊದಲ ದಿನವೇ ದಕ್ಷಿಣ ವಲಯದ ಕ್ರೀಡಾಪಟುಗಳು ವಿವಿಧ ವಿಭಾಗಗಳಲ್ಲಿ ಚಿನ್ನ, ಬೆಳ್ಳಿ ಹಾಗೂ ಕಂಚಿನ ಪದಕಗಳನ್ನು ಗೆದ್ದು ಗಮನ ಸೆಳೆದಿದ್ದಾರೆ.
ದೇಶದ ವಿವಿಧ ಭಾಗಗಳಿಂದ ಆಗಮಿಸಿರುವ ಪ್ರತಿಭಾವಂತ ಸ್ಕೇಟರ್ಗಳ ನಡುವೆ ತೀವ್ರ ಪೈಪೋಟಿ ನಡೆದಿದ್ದು, ಕ್ರೀಡಾಪಟುಗಳ ವೇಗ, ಕೌಶಲ ಹಾಗೂ ಸಮತೋಲನದ ಪ್ರದರ್ಶನ ಪ್ರೇಕ್ಷಕರ ಮೆಚ್ಚುಗೆಗೆ ಪಾತ್ರವಾಯಿತು.
ಬೆಳಗಾವಿಯ ಬಿರ್ಲಾ ಇಂಟರ್ನ್ಯಾಷನಲ್ ಸ್ಕೂಲ್ ಹಾಗೂ ಗ್ಲೋಬಲ್ ಇಂಟರ್ನ್ಯಾಷನಲ್ ಸ್ಕೂಲ್ಗಳು ಬೆಳಗಾವಿ ಜಿಲ್ಲಾ ರೋಲರ್ ಸ್ಕೇಟಿಂಗ್ ಅಸೋಸಿಯೇಷನ್ ಮತ್ತು ಶಿವಗಂಗಾ ಸ್ಪೋರ್ಟ್ಸ್ ಕ್ಲಬ್ ಸಹಯೋಗದಲ್ಲಿ ಚಾಂಪಿಯನ್ಶಿಪ್ ಆಯೋಜಿಸಿವೆ.
ಮೊದಲ ದಿನದ ಸ್ಪರ್ಧೆಗಳಲ್ಲಿ ಮೋಕ್ಷಿತ್ ಎನ್.ಬಿ., ಸೆಲಿನಾ ಮ್ಯಾಡಿಸನ್ ಎಸ್., ರಿಹಾನ್ ರಾಜು ಪವನ್, ಯಜಿನಿ ಶ್ರೀ ವೈ., ಅಭಯ್, ಜೆಸ್ನಿಯಾ ಕೊರಿಯಾ, ಅಂಶುಮಾನ್ ಬಾಘೇಲ್, ಅಭಿತ್ ಕುಮಾರ್ ಜಿ., ಅಮೃತ್ ಪಿ., ಟಿ.ಡಿ. ಜಾಸ್ವಿಕ್, ಆಹಾನಾ ಗುಪ್ತಾ, ದರ್ಶುನ್ ಕೀರ್ತಿಕ್, ಪಿ. ಜಯಾ ಹರ್ಷಿಣಿ, ಸೂರಜ್ ಸ್ವೈನ್, ಕೆ. ಓಜಸ್ವಿ, ವಿಶಾಲ್ ದೇವ್ ಗೋಸ್ವಾಮಿ, ಅನುಷ್ಕಾ ತ್ಯಾಗಿ, ಆದಿತ್ಯ ಶಂಕರ್ ಆರ್. ಹಾಗೂ ಮಧುಮಿತಾ ವಿ. ಪದಕ ವಿಜೇತರಾಗಿ ಹೊರಹೊಮ್ಮಿದ್ದಾರೆ.
ಕಂಚಿನ ಪದಕ ವಿಜೇತರು: ಕೆ. ಹನ್ಶಿತ್, ಮೈಶಾ ಡ್ಯಾನಿಶ್, ಅಲಿಟ್ ಜೇಮ್ಸ್, ಕೃತಿ ಎಸ್. ಐತಾಳ್, ಮನ್ಸೆಹಜ್ ಸಿಂಗ್ ಥಿಂಡ್, ಅಭಯಾ ಶರ್ಮಾ, ಕೆ. ಪವನ್ ಸೂರ್ಯ, ಭಗೀರಥ್ ಪ್ರತಾಪ್ ಸಿಂಗ್, ಸಿಯಾ ಮಲಿಕ್, ಎಸ್. ಜೀವೇಶ್, ಸಿ. ಪ್ರತೀಕ್ಷಾ, ಹಾರ್ಥಿಕ್ ಕಣ್ಣಾ ಪಿ., ಬೃಜೋಧ್ ಕೌರ್, ಶ್ರೀಜಿತ್, ಐಶ್ವರ್ಯ ಜೆ., ಆರ್ಯ ಗುಡೂರು, ಆರ್ನಾ ಪ್ರಸಾದ್, ರುದ್ರ ಚೌಧರಿ ಹಾಗೂ ಪ್ರೇಕ್ಷಾ ಸೋಲಂಕಿ.
ಚಾಂಪಿಯನ್ಶಿಪ್ ಯಶಸ್ವಿಯಾಗಿ ನಡೆಯಲು ಸ್ಕೇಟಿಂಗ್ ತರಬೇತುದಾರರಾದ ಸೂರ್ಯಕಾಂತ ಹಿಂದಲಗೇಕರ, ನಿಖಿಲ್ ಚಿಂದಕ್, ವಿಶ್ವನಾಥ ಯೆಲೂರಕರ, ಯೋಗೇಶ ಕುಲಕರ್ಣಿ, ವಿಠ್ಠಲ ಗಂಗಣೆ, ಸೋಹಂ ಹಿಂದಲಗೇಕರ, ಸ್ವರೂಪ ಪಾಟೀಲ ಹಾಗೂ ಶಾಲ್ಯ ತರ್ಲೇಕರ ಶ್ರಮಿಸುತ್ತಿದ್ದಾರೆ.